Spurt og svarað

12. janúar 2005

Hvað er Coombspróf ?

Hvað er Coombspróf sem framkvæmt er á börnum eftir fæðingu og hvað mælir það?

Takk kærlega fyrir góða og aðgengilega síðu.

............................................................................


Sæl og takk fyrir að senda okkur fyrirspurn.

Þegar gert er Coombspróf á naflastrengsblóði nýbura er verið að leita að mótefnamyndun í blóði nýburans. Þessi rannsókn er einkum gerð á naflastrengsblóði ef blóðflokkur móður er Rhesus mínus. Ef niðurstaða Coombsprófs er neikvæð (neg.) þýðir það að ekki hafi greinst nein mótefni og það er gott.

Á sama tíma er einnig gerð blóðflokkun til að greina í hvaða blóðflokki nýburinn er í og hvort blóðflokkurinn er Rhesus plús eða mínus. Ef barnið er í Rhesus plús blóðflokki þarf að gefa móður sprautu (anti-D) innan 72 tíma frá fæðingu sem dregur úr líkum á að vandamál vegna blóðflokkamisræmis skapist á næstu meðgöngu.

Vona að þetta svari spurningunni.

Kveðja,

Anna Sigríður Vernharðsdóttir,
ljósmóðir og hjúkrunarfræðingur,
12. janúar 2005.

 





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.