Spurt og svarað

12. október 2009

Kalt á höndum og fótum

Sælar og takk kærlega fyrir frábæran vef, ég er með spurningu varðandi 5.vikna gamlan son minn, málið er að honum er eignlega alltaf kalt á puttunum og mjög oft á tásunum líka þó að hann sé yfirleitt með sæng ofan á sér... hef meira að segja stundum haft hann með vettlinga inni til að hlýja honum um hendurnar... er þetta eitthvað sem er eðlilegt??? það er ekki svona kalt inni hjá okkur þannig að það ætti ekki að vera ástæðan.

Kv. Ásta

 


 

Komdu sæl Ásta. 

Það er eðlilegt fyrir nýbura að vera kalt á höndum og fótum og stundum svolítið blá svona fyrstu vikurnar.  Háræðanet í höndum og fótum er enn óþroskað og veldur þessu.  Þetta þýðir ekki að barninu sé kalt heldur er blóðflæði aðeins í minna lagi undir húðinni svona fyrst.

Kveðja

Rannveig B. Ragnarsdóttir,
ljósmóðir og hjúkrunarfræðingur.
12. október 2009.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.