Spurt og svarað

14. júní 2007

Moro viðbragð

Mig langaði að vita hvað moro viðbragðið á að vera lengi hjá börnum? Ef það er enn til staðar þegar það á að vera hætt hvað getur þá verið að?

Kveðja, gurl.


Sæl gurl og takk fyrir að leita til okkar.

Moro viðbragð hjá börnum er yfirleitt til u.þ.b. 3ja mánaða aldurs. Ef það hins vegar eldist ekki af börnum um þennan aldur getur það verið vísbending um einhvers konar taugagalla eða seinan þroska á taugakerfinu. Í slíku tilfelli þarf taugasérfræðingur að meta barnið. Það þarf þó alltaf að meta hvert barn heildrænt þegar upp koma spurningar um eitthvað sem þykir óeðlilegt.

Vona að þetta svari spurningu þinni.

Kær kveðja,

Þórdís Björg Kristjánsdóttir,
ljósmóðir og hjúkrunarfræðingur,
14. júní 2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.