Spurt og svarað

09. mars 2007

RS vírus

Góðan dag. Ég vil byrja á að þakka fyrir frábæran vef.

Spurningarnar sem ég hef tengjast þessum hvimleiða RS - vírusi. Ég á 5 vikna gamalt barn og hef verið stressuð yfir þessum blessaða vírusi og þá sérlega þar sem að ég á einnig barn á leikskólaaldri. Vitiði hvort að þessi faraldur sé ennþá í hámarki eða hvort hann sé kannski í rénun? Hef haldið mig heima með barnið undanfarnar 5 vikur og var að velta því fyrir
mér hvort að það væri óhætt að slaka á í sótthræðslunni og leyfa börnum að koma í heimsókn? Jú og fara kannski eitthvað út fyrir heimilið með krílið?

Kær kveðja
Sveitamamman


 

RS vírus sýkingar eru aðeins að minnka en enn eru miklar pestar í gangi þannig að ég myndi ráðleggja þér að vera þolinmóð aðeins lengur.  Auðvitað getur þú farið í heimsóknir þangað sem þú veist að ekki er kvef á heimilinu.  Þar sem þú hefur verið svona passasöm undanfarnar vikur væri leiðinlegt ef barnið smitaðist núna af einhverju.  Þú gætir líka leyft fólki að koma í heimsókn ef það er ekki með kvef og biðja alla að þvo sér vel um hendurnar þegar þeir koma.  Sennilega fer þetta pestatímabil að enda og þar með RS vírusinn.

Gangi þér vel.

Rannveig B. Ragnarsdóttir,
hjúkrunarfræðingur og ljósmóðir.
09.03.2007.



Komdu sæl.




Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.