Smit til nýbura

24.01.2011

Ég er gengin tæpar 39 vikur með mitt fyrsta barn og því styttist í að barnið fæðist.  Eins og fylgir þessum tíma ársins erum við foreldranir komnir með kvefpest og hálsbólgu. Mig langar því að forvitnast hvort líkur séu á að ég smiti barnið þegar það fæðist eða hvort mín veikindi hafi engin áhrif á barnið?

Þakka ykkur kærlega fyrir nauðsynlegan og góðan vef




Komdu sæl.

Litlar líkur eru á að þið smitið barnið.  Þú ert þegar farin að mynda mótefni gegn þessari pest sem fer yfir fylgju til barnsins og þú  gefur svo barninu með brjóstamjólkinni.  Vonandi verður líka pestin búin þegar kemur að fæðingu.

Ráðlegt er þó að þvo sér oft og vel um hendur til að forðast smit til barnsins.

Gangi ykkur vel.

Rannveig B. Ragnarsdóttir,
ljósmóðir og hjúkrunarfræðingur.
24. janúar 2011.