Spurt og svarað

31. janúar 2009

Á að sleppa því að lyfta þungu í byrjun meðgöngu

Sæl!

Mig langar að vita hvort það sé rétt að kona sem er gengin 5-6 vikur eigi að sleppa því að lyfta þungu og halda minna á barninu sínu sem hún á fyrir til að minnka líkur á að missa fóstur? Getur þetta haft mikið að segja? Maður hefur oft heyrt talað um að lyfta ekki þungu ég hélt þetta væri bara gamalt og að kona mætti nú alveg halda á 18 mánaða gömlu barni sem er vön því.

Kveðja, Mútta.


Sælar!

Kona sem gengin er 5-6 vikur á ekki að óttast það að hún missi fóstur við það að halda á 18 mánaða gömlu barni. Fósturlát tengjast þessu ekki á neinn hátt. Það er auðvitað alltaf rétt að hlusta á líkamann og ef hún þreytist mikið við þetta er rétt að takmarka það eins og hægt er og mikilvægt að beita líkamanum rétt.

Kveðja,

Anna Sigríður Vernharðsdóttir,
ljósmóðir og hjúkrunarfræðingur,
31. janúar 2009.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.