Ljósmóðir.is notar vafrakökur til að bæta notendaupplifun og stuðla að frekari þróun heimasíðunnar.
Upplýsingar um vafrakökur
31. janúar 2011
Góðan daginn.
Dóttir mín er 7 vikna og hefur verið að skila í bleyjuna 2-3svar sinnum á dag en nú hafa ekki komið neinar hægðir í 4 daga. Er þetta eðlilegt eða eigum við að láta kíkja á hana? Hún virðist samt ekkert vera að fá í magann. Kvartar ekki.
Með kveðju,Sigrún
Sæl Sigrún.
Þú gleymir að segja mér hvað hún er að drekka.
Börn sem eru eingöngu á brjósti kúka jafnvel oft á dag og niður í að hafa hægðir einu sinni í viku (sum jafnvel sjaldnar). Allt er eðlilegt í því svo lengi sem hún er bara að fá brjóstamjólk og ekkert annað.
Ef hún er hinsvegar að fá þurrmjólk með eða eingöngu ætti hún að skila hægðum annan eða þriðja hvern dag.
Kveðja
Rannveig B. Ragnarsdóttir, ljósmóðir og hjúkrunarfræðingur. 31.janúar 2011.
Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.
Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.
Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.