Spurt og svarað

02. janúar 2007

Viðbrögð ungbarna

Sælar og takk fyrir frábæran vef.

Ég tók eftir því um daginn að dóttir mín sem er að verða 5 mánaða er sein að kreppa  tærnar á hægri fæti þegar maður ýtir undir tábergið. Ég hef heyrt að þessi viðbrögð segja eitthvað til um taugakerfið. Er þetta eitthvað sem ég þarf að hafa áhyggjur af eða láta athuga?



Komdu sæl.

Þetta viðbragð eða reflex sem heitir Plantar reflex, kemur í ljós um 4 mánaða aldur og er til u.þ.b. eins árs.  Það er hugsanlegt að stelpan þín sé bara að þróa með sér þennan reflex, og því sé hann ekki eins báðu megin.  Það er samt rétt hjá þér að mismunur milli hliða á því hvernig reflexinn kemur fram getur verið vísbending um eitthvað óeðlilegt í taugakerfinu.  Það skiptir þó meira máli að hún sé að vaxa og þroskast eðlilega að öðru leiti.  Haltu áfram að fylgjast með þessu og talaðu um þetta við hjúkrunarfræðinginn og lækni í næstu skoðun ef það heldur áfram að vera mismunur milli fóta.

Nýárskveðjur

Rannveig B. Ragnarsdóttir,
hjúkrunarfræðingur og ljósmóðir.
2. jan. 2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.