Spurt og svarað

21. febrúar 2007

Þvottaefni og þurrmjólk

Ég er með eina eins mánaða gamla og er að nota Neutral þvottafeni en nota Ariel fyrir aðra í fjölskyldunni. Er eitthvað á móti því að nota Ariel fyrir hana. Mér finnst maður nota mikið minna af því heldur en Neutral þar sem mér finnst Neutral ekki þvo mjög vel, og svo set ég alltaf á auka skol líka.

Önnur spurning með þurrmjólkina. Nú hefur hún verið á SMA og hefur verið dálítið óvær á daginn, svo var ég að prófa að skipta yfir í NAN mjólkina í gær og ég er ekki enn að sjá muninn en ætla að bíða aðeins lengur til að sjá. En hver er munurinn á mjólkinni, mun hún finna mun? Er önnur fitumeiri en hin? Mér finnst SMA vera meira „creamy“. Er hún þá þyngri í magann?

Takk fyrir frábæra síðu og aðgang að ljósmæðrum til að spyrjast fyrir.



Sæl og blessuð!

Þetta með þvottaefnin. Þá er alltaf ráðlagt að nota mild þvottaefni og skola þvottinn vel vegna þess að húð lítilla barna er svo þunn og viðkvæm.

Eftir því sem ég best veit þá eru SMA og NAN þurrmjólkin mjög svipaðar að innihaldi og hafa báðar reynst vel.   

Með kveðju,

Ingibjörg Eiríksdóttir,
ljósmóðir og brjóstagjafaráðgjafi,
21. febrúar 2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.