Spurt og svarað

24. október 2006

Þvottur á ungbarnafatnaði

Góðan daginn!

Einhvers staðar las ég að það sé ráðlegt að þvo alltaf ungbarnafatnað sér, þ.e. ekki með fötum af eldri systkinum eða foreldrum. Hversu lengi þarf að gera þetta?

Með bestu kveðjum, Heiða.


Komdu sæl, Heiða

Hvers vegna ráðlagt er að þvo ekki saman ungbarnafatnað og annan þvott á heimilinu, dettur mér helst í hug, að notað sé annað og sterkara þvottaefni fyrir eldri fjölskyldumeðlimi, sem gæti valdið útbrotum eða ofnæmi hjá ungbörnum. Varðandi ungbarnaþvott ætti að nota milt þvottaefni í litlu magni og skola þvottinn sérstaklega vel á eftir og ekki er ráðlegt að nota mýkingarefni þar sem sum ungbörn geta fengið útbrot vegna þess. Síðan ætti að líta til þess, hvort einhver í fjölskyldunni er með exem eða einhvers konar ofnæmi eða viðkvæmni í húðinni, hvort og hvaða þvottaefni er notað.
Hversu lengi þörf er á að þvo þvott ungbarna sér, veltur á aðstæðum ykkar. Get ímyndað mér að hálft til eitt ár sé hæfilegt eða eins lengi og þér hugnast það.

Gangi þér vel.

Kveðja,

Kolbrún Jónsdóttir,
ljósmóðir og hjúkrunarfræðingur,
24. október 2006.

 





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.