Spurt og svarað

01. mars 2006

Þykkildi í brjósti á fjögurra vikna dreng

Sonur minn er að verða fjögurra vikna og ég var að taka eftir að á öðru brjóstinu á honum er einskonar þykkildi eða svoleiðis. Maður finnur fyrir eins konar hnút eða einverju svoleiðis. Var að pæla hvort þetta sé eitthvað hættulegt eða eðlilegt. Hvað getur þetta verið?

Vonandi er hægt að svara mér. Takk, takk.

.................................................................................................

Komdu sæl, mamma

Það þekkist, að bæði stúlkur og drengir fæðist með þrota í báðum brjóstum, nokkurs konar stálma, sem þreifast sem þykknun undir geirvörtum þeirra. Stafar það af hormónaflæði frá móður á meðgöngunni. Þetta hverfur oftast á fyrstu tveimur vikunum eftir fæðingu.
Það getur einnig komið fyrir, að börn fái sýkingu þarna og sést þá líka roði í húðinni á þeim stað. Það er erfitt að meta þetta, sem þú lýsir í fyrirspurninni, nema sjá það með berum augum og ættir þú því að leita til ungbarnaverndarinnar þinnar og láta skoða þetta.

Gangi þér vel. 

Kveðja,

Kolbrún Jónsdóttir,
ljósmóðir og hjúkrunarfræðingur,
1. mars 2006.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.