Spurt og svarað

16. mars 2005

Álfabikarinn - notkun eftir fósturlát

Sælar og takk fyrir mjög svo fróðlegan vef.

Ég missti fóstur nú fyrir nokkrum dögum og fór í útskaf í kjölfarið.  Mér láðist að spyrja fagfólkið um hvort það væri í lagi að nota álfabikarinn við næstu blæðingar. Er eitthvað sem mælir á móti því?  Er betra að nota bindi við fyrstu blæðingar eftir útskaf?

........................................................................

Sæl og þakka þér fyrirspurnina og hrósið.

Leitt að heyra um fósturlátið þitt, ég vona svo sannarlega að það gangi betur næst.
Eftir útskaf eru oft blæðingar eða hreinsun í nokkra daga og ég tel að það sé betra að nota bindi á meðan þær blæðingar standa.  Ég sé hins vegar ekkert því til fyrirstöðu að þú notir álfabikarinn næst þegar þú færð blæðingar, gættu þess bara að gæta fyllsta hreinlætis, þvo vel álfabikarinn samkvæmt leiðbeiningum framleiðanda, rétt eins og venjulega við notkun hans.

Bestu kveðjur og gangi þér vel,

Inga Vala Jónsdóttir,
ljósmóðir og hjúkrunarfræðingur,
16. mars 2005.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.