Spurt og svarað

04. apríl 2007

Er útskröpun nauðsynleg eftir fósturlát við 6 vikur?

Sælar og takk fyrir frábæran vef.

Þannig er að ég var komin 6 vikur, en í gærmorgun byrjaði að blæða og það fylgdu því miklir verkir og gærkvöldi kom smá „köggull“ í dömubindið. Þá hættu mestu verkirnir en hafa komið og farið vægari túrverkir og stingir eftir það. Þá kemur spurningin mín. Er vanin að fara í útskröpun eða er það bara eftir lengri meðgöngur?

Með fyrirfram þökk og von um svar.


Sæl og blessuð!

Þegar kona er gengin tæpar 6 vikur þá er yfirleitt ekki hægt að greina fóstur með ómskoðun. Fósturpóll eða fóstur greinist ekki fyrr en um 6.viku. Þegar blæðing og blóðlifrar verða er mjög líklegt að kona sé að missa fóstur á náttúrlegan hátt. Blæðing er oft ríkuleg og koma oft blóðlifrar niður sem er eðlilegt og fer það minnkandi eins og við venjulegar tíðarblæðingar. Ekki er þörf á útskröpun. Kona getur tekið þungunarpróf eftir 2 vikur sé það neikvætt, þá er þungun lokið. Eftir næstu tíðablæðingar getur kona orðið ófrísk aftur hafi hún áhuga á því.

Kær kveðja,

Björk Tryggvadóttir,
ljósmóðir, hjúkrunarfræðingur og brjóstagjafaráðgjafi IBCLC,
4. apríl 2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.