Spurt og svarað

10. júlí 2006

Fóstureyðingar

Getur verið hættulegt að fara í fóstureyðingu? Eru einhverjar líkur á því að ég geti ekki eignast aftur börn ef ég fer í fóstureyðingu? Hvernig fer eyðingin fram?


Sæl og takk fyrir að leita til okkar!

Fóstureyðingar sem framkvæmdar eru nú til dags eru sjaldan ástæða ófrjósemi. Vissulega er möguleiki á aukaverkunum í kjölfar fóstureyðingar en líkurnar á aukaverkunum eru litlar eftir fóstureyðingu sem framkvæmd er af lækni, á sjúkrahúsi, við góðar aðstæður. Sýkingar hafa helst verið nefndar sem ástæða ófrjósemi eftir fóstureyðingar en tíðni sýkinga í kjölfar fóstureyðinga er innan við 1% og  í mesta lagi 0,1% líkur á að ófrjósemi hljótist af sýkingu eftir fóstureyðingu.

Þú getur fræðst meira um fóstureyðingar í bækling frá LSH.

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
9. júlí 2006.






Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.