Spurt og svarað

29. september 2008

Þungunarpróf eftir fósturlát


Ég var að velta einu fyrir mér. Nú varð ég ólétt mjög stuttu eftir að ég átti mitt fyrsta barn. Allt virtist ganga vel og ég fór í snemmsónar þar sem þungunin var staðfest. Læknirinn taldi mig samt vera komna mjög stutt á leið þar sem ekkert sást nema fóstursekkurinn. Sagði mig vera komna ca 5 vikur og bað mig um að koma aftur í skoðun 3 vikum seinna. Sem ég gerði en þá kom í ljós að engar breytingar hefðu átt sér stað. Sekkurinn var tómur þannig að fóstrið hafði aldrei náð að myndast og ég var send í aðgerð daginn eftir til að fjarlægja þetta. Nú eru 11 dagar síðan fóstursekkurinn var fjarlægður en meðgöngueinkenni eru enn til staðar (samt ekki eins mikil) og ég tók að gamni mínu þungunarpróf í gær sem var mér til mikillar furðu mjög svo jákvætt.  Ég stórlega efast um að ég sé ólétt..  En hvað getur þungunarprófið sýnt jákvæða niðurstöðu í langan tíma? Getur verið að  líkaminn sé ekki að fatta þetta? Er mér óhætt að byrja á pillunni?



Sæl!

Þungunarprófið ætti ekki að sýna jákvæða niðurstöðu svo löngu eftir aðgerðina. 
Ég mæli með að þú gerir aftur þungunarpróf og ef það er enn jákvætt að fá skoðun hjá lækninum þínum.  Ekki byrja á pillunni fyrr en þú hefur fengið svar við því hvort þú sért þunguð.

Með kveðju,


Ingibjörg Th. Hreiðarsdóttir,

ljósmóðir og hjúkrunarfræðingur
24. September 2008.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.