Spurt og svarað

24. mars 2015

6 dögum síðar.

Komið þið sæl.  Mig langar að forvitnast um eitt, ég hafði egglos 13 mars og svo höfðum við kærastinn minn kynmök þann 16 mars. Er fræðilegur möguleiki að ég hafi geta orðið ófrísk? Ég hef ekki haft reglulegar blæðingar, ég byrjaði seinast á blæðingum 24 febrúar og egglosið varð 13 mars svo að ég ætti að byrja aftur á blæðingum 30 mars miðað við að blæðingar eiga að byrja aftur 14 dögum eftir egglos. Núna 6 dögum eftir að við sváfum saman er mér óglatt ef ég borða eitthvað og finnst  mér eins og líkaminn minn sé eitthvað skrítinn. Ég vona að þið getið svarað mér.


 
Heil og sæl, ef þú ert með óreglulegar blæðingar ertu væntanlega með óreglulegt egglos líka. Nú kemur ekki fram í bréfinu hvort þú ert að reyna að verða þunguð. Ef að maður hefur kynmök án varna er alltaf möguleiki á þungum þó að þrír dagar séu frá egglosi. Eggið lifir um þrjá daga í líkamanum eftir egglosið og getur frjóvgast á þeim tíma. Hins vegar eru sex dagar fullsnemmt fyrir þungunareinkenni. Ég tel miklu líklegra að þú sért með einhverja pest. Gangi þér vel
 
Bestu kveðjur
Áslaug V.
ljósmóðir og hjúkrunarfræðingur
24 mars 2015




Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.