Spurt og svarað

25. september 2004

Annað barn.

Málið er að ég hætti á sprautunni fyrir 14.mánuðum síðan og byrjaði ekki á túr fyrr en í apríl á þessu ári... Ég er búin að vera regluleg síðan alltaf með 27 dth, en ekkert gengur, er eitthvað sem ég get gert til að auka líkur á getnaði eða ætti ég að fara að koma mér til læknis...  Ég bý erlendis og fór til læknis áður en ég flutti út af því ég var ekki byrjuð á túr en þá sagði hún að ég ætti að bara bíða þangað til ég byrjaði á túr, hún sagði ekkert að eitthvað væri að eða neitt svo ég geri ráð fyrir að ekkert hafi verið að..... Hvernig á ég að snúa mér þetta er orðinn svo langur tími í heildina..... Með von um einhver svör Fífa......

                               ..........................................................

Komdu sæl Fífa og takk fyrir fyrirspurnina.

Það er alls ekki óeðlilegt að það taki ár og jafnvel eitt og hálft ár að geta barn.  Þú þarft því bara að taka á þolinmæðinni.  Þar sem þú byrjaðir ekki á túr fyrr en í apríl þá eru bara komnir 5 mánuðir.  Haldið bara áfram að reyna.

Ef óþolinmæðin er að ná tökum á ykkur þá getið þið farið í apótek og keypt egglospróf sem er eins og þungunarpróf nema það segir ykkur hvenær egglos verður og hvenær mestar líkur eru á getnaði.

Af því sem þú segir þá er ekkert sem bendir til að neitt sé að, en ef þú ert eitthvað áhyggjufull þá skaltu endilega panta tíma hjá lækni og ræða þetta við hann.  Þeir eru örugglega ágætir í útlöndum líka:)

Gangi ykkur vel.

Rannveig B. Ragnarsdóttir, hjúkrunarfæðingur og ljósmóðir. 25.09.2004.

 





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.