Spurt og svarað

27. júní 2012

Að vinna í sundlaug

Góðan dag!

Ég er að vinna í sundlaug og langar að verða ófrísk af barni nr.2. Mín spurning er hvort það sé eitthvað sem ég ætti að spá í vegna vinnunnar. Er einhver hætta eða eitthvað sem gæti skaðað fóstrið/barnið í þessari vinnu? Er ekkert hættulegt fyrir fóstrið að móðirin andi að sér sundlaugarvatnsgufu allan daginn?


Sæl!


Samkvæmt upplýsingum frá vinnueftirlitinu eru notaðar klórafleiður í sundlaugum og því ekki um klórgas að ræða í sundlaugarvatnsgufu. Ekki hefur verið sýnt fram á skaða á fóstri eða að sundlaugarvatnsgufur hafi neikvæð áhrif á meðgönguna en þekkt er að klórgas geti valdið skaða á lungum. Rannsóknir hafa samt sem áður bent til þess að auknar líkur séu á astma hjá börnum og fullorðnum sem eru mikið í sundi.
Að öðru leiti gilda almennar slysavarnir í sundlaugum. Vona að þetta svari spurningu þinni.

Með kveðju,
Signý Dóra Harðardóttir,
ljósmóðir og hjúkrunarfræðingur,
27. júní 2012





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.