Ljósmóðir.is notar vafrakökur til að bæta notendaupplifun og stuðla að frekari þróun heimasíðunnar.
Upplýsingar um vafrakökur
12. febrúar 2015
Hæ hæ. Ég veit ekki hvar ég get spurt að þessu annarstaðar en hér. Er þetta einkenni óléttu eða bara rugl í líkama mínum? Ég s.s. fór á alveg eðlilegar blæðingar og svo nákvæmlega 14 dögum seinna þegar ég ætti að vera með egglos fór ég aftur á blæðingar og núna eru 2 vikur síðan sem þýðir að ég er komin framyfir tíma þegar ég hefði átt að byrja samkvæmt blæðingunum sem ég var með fyrir egglos? Er þetta eðlilegt eða hvað?
Komdu sæl, mér þykir ólíktlegt að þú sért ólétt, en þungunarpróf getur skorið úr um það. Líkast til ertu með smá blæðinga óreglu sem er frekar algengt að komi fyrir. Ef þetta er bara tilfallandi í eitt skipti er ekki þörf á því að gera neitt en þetta er frekar leiðinlegt ef þetta er síendurtekið. Ég mundi því ráðleggja þér ef að þetta heldur áfram að vera óreglulegt að ráðfæra þig við lækni. Gangi þér vel.
Bestu kveðjur, Áslaug V., ljósmóðir og hjúkrunarfræðingur.Yfirfarið í janúar 2020
Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.
Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.
Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.