Spurt og svarað

29. júlí 2008

Blóðflokkur A mínus

Komdu sæl.

Dóttir mín er í blóðflokk A minus. Skiptir það einhverju máli. Þarf hún að fá einhver mótefni ef hún verður ófrísk.

Kveðja

Rósamunda

 


Sæl Rósamunda

Þegar dóttir þín verður ólétt þarf að taka blóðrufur hjá henni a.m.k. þrisvar á meðgöngunni til að sjá hvort hún er að mynda mótefni sem getur haft áhrif á blóð barnsins hennar.  Við fæðingu er svo tekin blóðprufa úr naflastreng og hjá móður og ef þarf er móðurinni gefin sprauta með anti-D-immunoglobulini sem hindrar að hún framleiði mótefni gegn næsta barni.

Þetta er einföld lýsing á ferlinu og á við ef konan myndar engin mótefni og allt gengur vel.  Ef mótefni greinast í blóði móðurinnar getur þurft að taka fleiri blóðprufur og hafa hana og barnið í nánara eftirliti.

Vona að þetta svari spurningunni

Kveðja

Rannveig B. Ragnarsdóttir,
ljósmóðir og hjúkrunarfræðingur.
29. júlí 2008.

 

 





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.