Spurt og svarað

12. júlí 2012

Bólusetning, mislingar, rauðir hundar og hettusótt

Sæl
Ég var bólusett við rauðum hundunum, mislingum og hettusótt fyrir mánuði síðan eftir að ég missti fóstur, hvenær má ég í fyrsta lagi verða ófrísk aftur? Ég er alveg ólm í að reyna sem fyrst þrátt fyrir að illa hafi farið í fyrsta skiptið en ég vil auðvitað ekki að fóstrið skaðist eða að ég missi aftur, ég las einhversstaðar að það væru 6 vikur og svo annarsstaðar 3 mánuðir.

Sæl
Það er rétt hjá þér að það sé ráðlagt að bíða með að verða barnshafandi eftir að hafa farið í bólusetningu við rauðum hundum, mislingum og hettusótt. Framleiðandi bóluefnisins mælir með að forðast þungun í 3 mánuði eftir bólusetningu til að forðast mögulegan skaða á fóstri.
Gangi þér vel.
með kveðju,
Signý Dóra Harðardóttir,
ljósmóðir og hjúkrunarfræðingur,
12. júlí 2012




Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.