Spurt og svarað

24. nóvember 2014

Egglospróf

Ég er með eina spurningu. Þannig er mál með vexti að ég og maðurinn minn erum að reyna eignast barn. Ég hætti á pillunni fyrir 4 mánuðum og ákvað núna að fá mér egglos próf svona bara til að finna út hvort allt væri að virka en öll prófin hafa komið neikvæð þennan mánuðinn. Ég er með áhyggjur en ekki viss hvort ég eigi að hafa þær. Á ég að vera hafa áhyggjur af þessu eða er þetta bara eðlilegt, ég er rétt skriðin yfir 30 ára.

Kveðja, ein með áhyggjur

Heil og sæl, það er ekki kominn langur tími sem þið eruð búin að vera að reyna svo að líkast til eru áhyggjur alls ekki tímabærar. Egglos verður u.þ.b. 14 dögum fyrir upphaf blæðinga og dagana í kring ertu líka frjó. Ef þú ert með reglulegan tíðahring er auðvelt að fylgjast með þessu. Yfirleitt er ekki ástæða til að hafa áhyggjur fyrr en par hefur reynt að verða ólétt í ár án árangurs. 
Gangi ykkur vel.

Bestu kveðjur, Áslaug Valsdóttir, ljósmóðir og hjúkrunarfræðingur.
Yfirfarið í janúar 2020
Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.