Ekkert egglos

19.09.2012
Ég er 35 ára, 2 barna móðir. Hef reglulegan tíðarhring, 27-28 dagar. Hætti á pillunni fyrir rúmu ári síðan. Hef verið að mæla egglospróf undanfarna mánuði en fæ aldrei jákvætt úr þeim. Hef tekið alveg frá 8- 14 dags. Er ég hætt að hafa egglos þó svo að ég fái reglulegar blæðingar?



Sæl!
Það er ekki gott að segja til um það hvort þú sért hætt að hafa egglos út frá neikvæðu egglosprófi einu og sér. Ég mæli með að þú farir til kvensjúkdómalæknis og fáir ómskoðun af eggjastokkum. Með ómskoðun er hægt að sjá starfsemi eggjastokkanna, einnig er hægt að taka blóðprufu til að athuga hormónastarfsemi hjá þér.
Gangi þér vel.


Með bestu kveðju,
Signý Dóra Harðardóttir,
Ljósmóðir og hjúkrunarfræðingur,
19. september 2012