Spurt og svarað

30. maí 2008

En ef maður er í sundi og missir vatnið...

Góðan dag.

Ég geng með mitt annað barn. Þegar mitt fyrsta kom í heiminn þá hófst ferlið á því að ég missti vatnið (og fór ekkert almennilega í gang fyrr en tæpum sólarhring síðar, en þangað til seytlaði legvatnið bara niður).

En ef maður er í sundi og missir vatnið? Kannski nýkomin ofan í og er þar í hálftíma, fer svo kannski í sólbað og áfram lekur kannski smá en maður heldur bara að það sé vatnið af sundfötunum.

Kveðja, ein á leið í sund í sumar.


Sæl!

Hugsa að þetta hafi nú hvarflað að mörgum konum, en ég hef aldrei heyrt um það að konur missi vatnið í sundi. Auðvitað getur það verið möguleiki eins og allt annað, en stundum finna konur fyrir eins konar smelli inni í bumbunni þegar vatnið fer, það er eitt merki sem hægt er að hafa í huga. Nú svo ef að svo skemmtilega vildi til að vatnið færi í vatninu, þá myndi það sennilega halda áfram að seytla eftir að þú værir komin upp úr, það er nú þannig að það fer ekki allt í einu og heldur áfram að framleiðast þar til barnið er fætt.

Kveðja,

Tinna Jónsdóttir,
ljósmóðir og hjúkrunarfræðingur,
30. maí 2008.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.