Spurt og svarað

08. maí 2015

Fyrsti dagur síðustu blæðinga

Hæ hæ. Ég og maðurinn minn erum byrjuð að reyna að eignast barn. Ég hætti á pillunni eftir þann 16.apríl, ég byrjaði síðan á blæðingum 19.apríl. Ég hef alltaf verið mjög regluleg, svo egglos hefði átt að eiga stað hjá mér um síðustu helgi eða 1-2-3 maí. Ég hef verið að afla mér upplýsinga, og er að pæla í hvort meðgangan hefist þegar tíðahringurinn byrjar, ef ég er til dæmis orðin ófrísk núna byrjar maður þá að telja fyrstu vikuna fyrsta daginn sem ég byrjaði síðast á blæðingum? Þótt egglosið hafi ekki átt sér stað fyrr en 2 vikum eftir það og væntanlega hefur eggið þá komið? Núna hef ég fengið verki neðst í kviðinn á morgnana, reyndar ekki oft. Það eru enn 10 dagar þangað til ég á að byrja næst á blæðingum svo óléttuprófin eru ekki farin að gefa nákvæmt svar. Er ég mögulega ófrísk? Og ef svo er, byrjar maður þá að telja fyrsta dag síðustu blæðinga? Svo ef ég er ófrísk þá væri ég komin sirka rúmlega 2 vikur :)


Heil og sæl, þú ert ekki farin að fá þungunareinkenni þó að þú værir ófrísk. Ef þið hafið haft samfarir þegar egglos er þá er möguleiki á þungun en það er sjaldnast sem að konur verða ófrískar í fyrsta hring eftir að þær hætta á pillunni. Já það er rétt að þungun er alltaf talin frá fyrsta degi síðustu blæðinga. Gangi þér vel.

 




Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.