Spurt og svarað

29. október 2008

Kannabis og ófrjósemi

Ég var búin að vera á pillunni í ca. 10 ár þegar ég hætti á henni fyrir hálfu ári, ég er orðin 25 ára og mér fannst bara tímabært að fara hætta á henni, mig langar að eignast barn, er kannski samt ekkert endilega sérstaklega að reyna það en er ekkert að koma í veg fyrir það heldur.  Ég á kærasta sem reykir kannabis daglega og fær sér bjór á næstum hverju kvöldi og nú er ég alveg komin með það á heilann að ég verði ekkert ólétt þegar lifnaðarhættirnir eru svona á honum og pæli líka í því hvort að eitthvað gæti orðið að barninu ef ég yrði ólétt.  Ég meina hvort hann gæti verið að skadda í sér sæðisfrumurnar með því að vera að þessu???  Svo náttúrlega fæ ég það líka á tilfinninguna að ég sé bara orðin ófrjó af því að hafa verið svona lengi á pillunni án hlés???  Það er hálft ár síðan ég hætti á henni og ekkert hefur gerst???  Geturðu vinsamlegast verið svo væn að svara mér þessu með ófrjósemina og lifnaðarhættina á kallinum mínum???

takktakk :*


Komdu sæl

Sumir telja að kannabis geti minnkað magn testosterons í líkama karlmanna sem aftur minnkar fjölda sáðfruma og getur gert þeim erfiðara fyrir að geta barn.  Einnig hefur verið talað um að virka efnið í kannabis (THC) geti truflað egglos hjá konum.  Pillan gerir konur ekki ófrjóar þó þær séu lengi á henni.

Vona að þetta svari spurningunni.

Kveðja

Rannveig B. Ragnarsdóttir,
ljósmóðir og hjúkrunarfræðingur.
29. október 2008.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.