Spurt og svarað

08. ágúst 2007

Kvensjúkdómalæknir...

Mig langar bara að forvitnast...

...ættu allar konur á barneignaraldri (sem eru farnar að huga að barneignum) að hafa farið til kvensjúkdómalæknis?  Við erum búin að vera getnaðarvarnalaus í 1½ ár en höfum verið að reyna „skipulega“ í 3 mánuði án árangurs. Ég hef aldrei farið til kvensjúkdómalæknis nema bara í krabbameinsskoðun. Myndir þú mæla með því að ég léti skoða mig eða á ég að bíða lengur? Ætti ég fyrst að láta skoða mig bara eða ætti ég að taka manninn minn með?

Með þökk fyrir góðan vef og von um skjót svör.


Sæl og blessuð! Takk fyrir að leita til okkar!

Það er í sjálfu sér ekki nauðsynlegt að fara til kvensjúkdómalæknis reglulega nema í krabbameinsskoðun en margar konur leita þó til kvensjúkdómalækna varðandi getnaðarvarnir og svo auðvitað ef einhver vandamál koma upp. Ef þú ætlar að leita til læknis vegna hugsanlegrar ófrjósemi er nærtækast að þú pantir tíma hjá Art Medica en þar eru kvensjúkdómalæknar sem sérhæfa sig rannsóknum og meðferðum við ófrjósemi. Þegar orsakir ófrjósemi eru kannaðar þarf að skoða bæði konuna og manninn þannig að það er eðlilegt að þið farið saman þangað.

Gangi ykkur vel.

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
8. ágúst 2007.
 





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.