Ljósmóðir.is notar vafrakökur til að bæta notendaupplifun og stuðla að frekari þróun heimasíðunnar.
Upplýsingar um vafrakökur
31. maí 2012
Halló!
Hafa verið gerðar einhverjar rannsóknir á því hvort maríustakkur hjálpar raunverulega til við að verða þunguð? Er vitað hvernig þetta virkar? Hvert er ykkar álit á þessu?
Sæl!
Eftir leit í gagnasöfnum get ég ekki fundið neinar rannsóknir sem styðja að maríustakkur (alchemilla vulgaris) hjálpi til við frjósemi. Hinsvegar er mikið skrifað um notkun maríustakks á hinum ýmsu vefsíðum tengdum frjósemi, þar er bent á gagnsemi maríustakks við að verða þunguð og til að stilla af tíðarblæðingar. Einnig er bent á að maríustakkur hafi verið notaður til að stöðva blæðingu öldum saman. Maríustakkur virðist því hafa áhrif á blóðstorkukerfi líkamans.
Ef þú ákveður að nota maríustakk til að auka frjósemi mæli ég með að þú fylgist vel með hvort þú verðir þunguð því ekki er vitað hvaða áhrif jurtalyf geta haft á hið ófædda barn og meðgönguna, því ætti að nota jurtalyf með varúð á meðgöngu.
Gangi þér vel.
Tekið skal fram að undirrituð hefur ekki sérþekkingu á notkun jurtalyfja heldur eru þessar upplýsingar fengnar eftir stutta leit á vefnum.
Með kveðju, Signý Dóra Harðardóttir, ljósmóðir og hjúkrunarfræðingurYfirfarið í janúar 2020
Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.
Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.
Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.