Spurt og svarað

21. júlí 2014

Ófrjósemisaðgerð

Sæl.
Er að spá,ég fór í ófrjósemisaðgerð fyrir um 3 árum og nú hefur verið mikil pæling hjá mér og nýja manninum mínum hvort við getum orðið ólétt, sem sagt eru einhverjar likur á að geta orðið ólétt eðlilega eða þarf að gera einhverjar aðrar ráðstafanir?



Komdu sæl og takk fyrir bréfið þitt.
Þegar konur fara í ófrjósemisaðgerð er lokað fyrir eggjaleiðarana sem flytja frjóvgað egg niður í legið. Til að frjóvgun geti orðið eftir slíka aðgerð þarf annað hvort að tengja eggjaleiðarana saman aftur, eða fara í tæknifrjóvgun. Best er fyrir þig að tala við lækninn sem gerði ófrjósemisaðgerðina á þér og fá hann/hana til að segja þér hvort eða hversu miklar líkur séu á að slík endurtengingaraðgerð heppnist, eða hvort það borgi sig að reyna slíkt.

Gangi þér vel,
Björg Sigurðardóttir,
ljósmóðir,
21. júlí 2014.
 

 





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.