Spurt og svarað

15. júní 2007

Óreglulegar blæðingar og egglos

Sæl

Ég hætti á pillunni (Novynette) í byrjun maí og byrjaði svo á blæðingum 24.maí og er enn á blæðingum! Er það alveg eðlilegt að hafa svona langar blæðingar eftir að hafa hætt á pillunni? Ég er farin að hafa smá áhyggjur af þessu. Þetta eru ekki venjulegar blæðingar, mjög litlar og brúnleitar í byrjun en núna eru þær ljósrauðar eða bleikar og kemur aðalega í papírinn eftir að ég er búin að pissa.
Önnur spurning er að við hjónin vorum ekki að reyna getnað í maí, notuðum alltaf aðra getnaðarvörn, en núna um helgina vorum við kærulaus. Svo fór ég að spá að samkvæmt því að ég byrjaði á blæðingum 24. maí þá hefur egglosatímabilið akkurat verið um helgina.... fæ ég egglos þó svo ég sé enn á blæðingum?

Þú verður að afsaka hvað þetta er langt, vona að þú getir gefið mér einhver svör, næ aldrei sambandi við lækninn minn.
Kveðja L



Komdu sæl

Blæðingar geta verið mjög óreglulegar fyrst eftir að kona hættir á pillunni og sérstaklega ef hún hefur verið óregluleg áður þannig að sennilega er þetta alveg eðlilegt. Óreglulegum blæðingum fylgir líka óreglulegt egglos þannig að það er ekki hægt að segja til um það hvort það hefur átt sér stað um helgina eða ekki.  Það er alveg hugsanlegt að egglos verði þegar blæðingar eru svona litlar eða milliblæðingar, en það þarf samt ekki að vera.

Vona að þetta svari spurningu þinni

 Kveðja

 

Rannveig B. Ragnarsdóttir,
ljósmóðir og hjúkrunarfræðingur.
15. júní 2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.