Ljósmóðir.is notar vafrakökur til að bæta notendaupplifun og stuðla að frekari þróun heimasíðunnar.
Upplýsingar um vafrakökur
09. ágúst 2007
Sæl!
Ég var að fá mína þriðju sprautu af Twinrix í dag og mig langaði að vita hvort þetta lyf hafi mikil skaðleg áhrif. Okkur langar að fara byrja að reyna búa til barn og á 6 töflur af pilluspjaldinu mínu eftir. Er það í lagi eða á ég að halda áfram að taka pilluna? Svo það eru alveg 2 vikur og nokkrir dagar sem væri í fyrsta lagi möguleiki að barn yrði búið til miðað við tíðahringinn. Er það nógu langur tími?
Sæl og blessuð!
Bóluefni sem innihalda veiklaðar veirur hafa yfirleitt ekki skaðleg áhrif á fóstur og eru stundum notuð á meðgöngu. Í þeim upplýsingum sem ég fann um Twinrix er talað um að gæta varúðar við notkun á lyfsins á meðgöngu en það ekki talað um að ákveðinn tími þurfi að líða frá síðustu sprautu þar til konu sé óhætt að verða þunguð svo ég þori ekki að svara þessu með neinni vissu. Ef til vill getur þú fengið nákvæmari svör hjá þeim sem gaf þér sprauturnar.
Kær kveðja, Anna Sigríður Vernharðsdóttir, ljósmóðir og hjúkrunarfræðingur.Yfirfarið í janúar 2020
Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.
Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.
Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.