Spurt og svarað

03. júlí 2007

Engin ljósmóðir á minni heilslugæslustöð

Komið þið sæl!

Ég hef verið að velta því fyrir mér hvort það sé eðlilegt að ég fái ekki að ganga til ljósmóður. Á minni heilsugæslu starfar víst engin ljósmóðir svo ég geng til hjúkrunarfræðings sem er mjög fín en mér finnst hún ekki hafa nógu mikla reynslu af mæðravernd og öllu sem henni við kemur. Ég hef t.d. spurningar sem hún á erfitt með að svara án þess að ráðfæra sig við annan aðila. Er þetta algengt? 


Sæl og blessuð!

Það eru starfandi ljósmæður á flestum heilsugæslustöðvum landsins svo ef það er ekki starfandi ljósmóðir á þinni heilsugæslustöð þá getur þú leitað á næstu stöð. Ljósmæður hafa mikla þekkingu á meðgöngu og öllu sem viðkemur barneignarferlinu og því er sjálfsagt að þú fáir að vera í mæðravernd hjá ljósmóður.

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
3. júlí 2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.