Spurt og svarað

27. október 2005

Blæðingar á Cerazette pillunni

Mig langar til að forvitnast um hvort það sé eðlilegt að vera ekki búin að hafa neinar blæðingar eftir fæðinguna? Ég var að eignast barn númer tvö fyrir 4 mánuðum, er að taka Cerazette pilluna en hef engar blæðingar haft.  Er þetta eitthvað sem ég þarf að nefna við lækninn minn eða hvað? Einnig stendur í leiðbeiningum með Cerazette pillunni að maður eigi að taka spjöldin hvert á eftir öðru en ekki taka pásu. Var áður á Triqular pillunni og þar var alltaf tekin pilla í þrjár vikur og pása í eina.
Með von um skjót svör
 
............................................................
 
Komdu sæl og til hamingju með barnið.
 
Já það er alveg eðlilegt að vera ekki byrjuð á blæðingum eftir fæðinguna.  Cerazette pillan getur valdið þessu en þetta getur líka verið vegna brjóstagjafar ef þú ert með barnið á brjósti eða sambland af þessu tvennu.  Þetta er alveg eðlilegt og ekkert til að hafa áhyggjur af og það er rétt að þú átt ekki að taka hlé á þessari pillu eins og á samsettu pillunni.
 
Kveðja
 
Rannveig B. Ragnarsdóttir,
hjúkrunarfræðingur og ljósmóðir.
27.10.2005.




Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.