Spurt og svarað

20. júní 2006

Hormónalykkjan

Sælar og takk fyrir frábæran vef. Málin standa svona ég á tvö yndisleg börn 7 og 5 ára. Fyrir 3 og 1/2 ári lét ég setja upp hormónalykkjuna en nú er ég farin að spá í að eignast aftur barn en ég er að velta því fyrir mér hvort ég þurfi að láta einhvern tíma líða á eftir að lykkjan hefur verið tekin til að leyfa líkamanum "rétta sig af" ? Einnig hvort hormónin hafi einhver áhrif á frjósemi mína svona strax eftir (veit að þau eiga ekki að gera það til lengri tíma) og hvað erum við að tala þá um langan tíma?

Með von um svör
langar í eitt enn
 
...............................................
 
Komdu sæl og takk fyrir fyrirspurnina.
 
Eftir því sem ég kemst næst þá getur þú orðið ólétt strax eftir að lykkjan er tekin og ekki nauðsynlegt að bíða neitt eftir að líkaminn jafni sig.  Hormónin eiga heldur ekki að hafa nein áhrif á frjósemina.
 
Gangi þér vel
 
Rannveig B. Ragnarsdóttir,
hjúkrunarfræðingur og ljósmóðir.
20.06.2006.




Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.