Spurt og svarað

04. desember 2008

Hormónalykkjan og blæðingar

Ég vil nú byja á þvi að þakka ykkur fyrir þessa góðu heimasíðu:)

Ég hef verið með hormónalykkjuna íí ár, ég var í byrjun með blæðingar (mismiklar) í ca 5 mánuði, en ákvað að þrjóskast áfram vegna þess að ég þoli ekki pilluna. Venjulega liðu alveg 6-7 vikur á milli blæðinga hjá mér og ég fann á þessu tímabili fyrir aukinni brjóstaspennu og smá flökurleika, en blæðingarnar voru alveg í 2 vikur.

Núna nýlega fór maðurinn minn að vinna í útlöndum í mánuð og þar af leiðandi stundaði ég ekki neitt kynlíf á meðan, en var þá bara með ca. 4 vikur á milli blæðinga og þær stóðu í viku eins og ég var vön að hafa áður en ég fékk mér hormónalykkjuna. Það sem ég er að pæla - getur verið að ég verði alltaf ófrísk og það verði fósturlát hjá mér og ég byrji þá á blæðingum?  Ef svo er þá er þessi vörn ekki að virka fyrir mig!

Með von um skjót svör, kveðja Anna


 Komdu sæl Anna

Mér finnst það afar ósennilegt að þú verðir ólétt í hverjum tíðahring.  Ég held frekar að um tilviljun hafi verið að ræða að blæðingarnar breyttust hjá þér þegar maðurinn þinn fór út.  Einkennin sem þú lýsir geta komið fram þegar líður að blæðingum, þetta eru ekki endilega þungunareinkenni þó þau séu svipuð.

Ef þú ert ekki sátt við hormónalykkjuna og þessa óreglu skaltu endilega hafa samband við lækninn þinn og ræða þetta við hann.

Kveðja

Rannveig B. Ragnarsdóttir,
ljósmóðir og hjúkrunarfræðingur.
4. desember 2008





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.