Spurt og svarað

13. nóvember 2012

Lykkjan eftir fósturlát

Ég var gengin rétt yfir 8 vikur þegar ég missti fóstur. Þetta var mjög velkomið en óplanað. Við parið höfum tekið ákvörðun um að fara á öruggari getnaðarvörn næst og mig langar að spyrja hvenær má setja upp lykkjuna eftir fósturlát?



Sæl
Ég vil byrja á að segja að mér þykir leitt að heyra með ykkar missi, fósturmissir er oftast erfið upplifun og í flestum tilfellum erfitt að skýra hversvegna fósturlát verður.
Almennt er talað um að óhætt sé að setja lykkju í leg sex vikum eftir fæðingu eða fósturmissi, að þeim tíma loknum eru flestar konur búnar að jafna sig líkamlega eftir fæðingu eða fósturmissi.
Gangi þér vel.



Með bestu kveðju,
Signý Dóra Harðardóttir,
ljósmóðir og hjúkrunarfræðingur,
13. nóvember 2012




Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.