Spurt og svarað

25. mars 2008

Ófrjósemisaðgerð eftir fæðingu

Sælar og takk fyrir góðan vef.

Nú er svo komið að ég geng með mitt fjórða barn og á von á mér í júní. Ég er þrjátíu og tveggja ára og við höfum ákveðið að eiga ekki fleiri börn og mig langar að forvitnast um ófrjósemisaðgerð fyrir mig. Það sem mig langar að vita er hvort þessi aðgerð sé gerð um svipað leyti og barnið fæðist eða hvort einhver tími þurfi að líða frá fæðingu. Ég hugsaði mér gott til glóðarinnar að láta gera þetta á svipuðum tíma, þegar pabbinn er heima og þegar hvíldin er algjör, þannig lagað. Ég las líka á vefnum um nýja tækni þar sem notaðir eru gormar sem eru settir inn í eggjaleiðarana og örvefur látinn loka leiðurunum? Er þetta orðin algeng aðgerð, þ.e. gerð á Íslandi?

Með kæru þakklæti.


Sæl og blessuð!

Það er mögulegt fyrir þig að fara í ófrjósemisaðgerð fljótlega eftir fæðingu. Ég veit því miður ekki hvort það tíðkast að nota þessa gormaaðferð hér á landi. Þú þarft að ræða þetta við kvensjúkdómalækni sem getur örugglega svarað þínum spurningum.

Á vef Landlæknisembættisins er bæklingur um getnaðarvarnir þar sem m.a. er fjallað um ófrjósemisaðgerðir.

Gangi þér vel.

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
25. mars 2008.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.