Spurt og svarað

30. september 2005

Öryggi Cerazette brjóstapillunar

Mig langar til að fá upplýsingar varðandi brjóstapilluna Cerazette. Ég hef verið að taka hana í u.þ.b. 7 mánuði. Barnið mitt er núna 10 mánaða og er farin að fá brjóst á morgnana og svo á kvöldin. Get ég verið örugg þegar þetta hefur minnkað svona mikið um að pillan sé örugg? Þarf ég að fara að hugsa um aðra pillu?

Með fyrirfram þökk, brjóstamamma með áhyggjur.

..................................................................

Sæl og takk fyrir að leita til okkar!

Cerazette pillan er alveg jafn örugg nú og þegar barnið drakk oftar brjóst og heldur áfram að vera örugg þó að brjóstagjöf sé hætt.  Þessi pilla er kölluð brjóstapillan af því að hún inniheldur eitt hormón, prógestagen og hentar því konum sem eru með barn á brjósti en pillur sem eru samsettar úr tveimur hormónum henta ekki konum sem eru með barn á brjósti. Ef þér líkar við þessa pillu þá getur þú haldið áfram að taka hana þegar þú hættir brjóstagjöf.

Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
30. september 2005.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.