Spurt og svarað

28. júní 2009

Er bólfestublæðing það sama og hreiðurblæðing?

Mig langar að spyrja hvort bólfestublæðingar séu það sama og hreiðurblæðingar? Ég er alveg orðin rugluð í þessu, ef eggið er 3-4 daga á leið í legið þá skil ég ekki alveg af hverju hreiðurblæðingar eru á svipuðum tíma og blæðingar eiga að hefjast? Annað, finnur kona fyrir því þegar eggið er að ferðast upp í legið?

Vona að þið getið frætt mig um þetta:)


Sæl og blessuð!

Bólfestublæðing og hreiðurblæðing er það sama. Þetta gerist ekki hjá öllum konum en líklega hjá 20-30%. Hreiðurblæðing verður venjulega aðeins fyrr en blæðingar áttu að hefjast en stundum um það leyti sem blæðingar áttu að hefjast. Þetta gerist yfirleitt 5-10 dögum eftir getnað þegar litli fósturvísirinn er að koma sér fyrir í leginu. Hreiðurblæðing er yfirleitt ljósrauðir, bleikir eða ljósbrúnir blettir. Eggið frjóvgast yfirleitt í eggjaleiðaranum og ferðast svo niður í legið þar sem það kemur sér fyrir, yfirleitt alveg án þess að konan finni nokkuð fyrir því.


Kær kveðja,

Anna Sigríður Vernharðsdóttir,
ljósmóðir og hjúkrunarfræðingur,
28. júní 2009.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.