Spurt og svarað

14. nóvember 2011

Áhugaleysi á kynlífi eftir fæðingu

Nú er stelpan mín orðin 4 mánaða og ég hef enn ekki áhuga á kynlífi.  Ég var roslega hrædd við að stunda kynlíf á meðgöngu þannig að við prufuðum fyrst þegar ég var komin 5 mánuði á leið og svo ekkert eftir 6 mánuði þangað til núna.  Ég á yndislegan mann sem skilur þetta en ég skil ekki afhverju ég er bara ALVEG dauð á þessu sviði.  Ég endaði i keisara
og er svolitið slitin eftir meðgönguna. Ég fitnaði um 26 kg en er búin að missa 20 nú þegar.

Einni sem vantar svar


Komdu sæl.

Það getur svo margt haft áhrif á áhuga konu til kynlífs eftir fæðingu.  Þættir eins og þreyta, brjóstagjöf, svefnleysi, mikil umönnun barnsins, tímaleysi, breytingar á líkama o.fl. getur allt haft áhrif. 

Það er ekkert töfraráð til nema kannski að tala saman.  Í stað þess að bíða eftir að áhuginn komi einn daginn gætir þú reynt að byrja bara og vita hvort áhuginn eykst ekki við það.  Þið gætuð jafnvel fundið hentugan tíma sem þið stefnið að og látið ykkur svo hlakka til fram að því. 

Gangi ykkur vel.

Rannveig B. Ragnarsdóttir
ljósmóðir og hjúkrunarfræðingur.
14. nóvember 2011.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.