Spurt og svarað

29. júlí 2005

Að koma sér í form eftir fæðingu

Sælar og takk fyrir frábæran vef.

Ég á litla 4 mánaða snúllu og allt gengur svaka vel með hana. En mig er farið að langa að koma mér í betra form en ég er svo hrædd um að missa niður mjólkina ef ég fer að reyna of mikið á mig. Ég er dugleg að fara út að labba með vagninn og passa mataræðið en er mér óhætt að taka inn t.d. Nupo létt?

Kveðja.

..............................................................................

Sæl og blessuð.

Ég mæli eindregið með því að þú notir bestu megrun sem náttúran hefur gefið okkur. Brjóstagjöf og ekkert annað. Á fyrstu 3 mánuðum eftir fæðingu léttast mjólkandi konur ekki hraðar en mæður sem nota þurrmjólk en á milli 3 og 6 mánuð léttast þær mun hraðar og eftir það líka. Á milli 9 og 12 mánuði eyðist fita af stöðum á mjólkandi mæðrum sem hún gerir ekki annars. Þú getur fækkað kaloríum um 300 frá því sem var fyrir fæðingu og ættir ekki að fara undir 1800 kaloríur á dag. Vel nærð kona getur lést um 0,45 kg á viku jafnframt því sem mjólkurframleiðsla eykst. Það besta er að léttast jafnt og þétt og eins og líkaminn vill stjórna því en ekki í rykkjum. Líkamsþjálfun og allar æfingar eru í lagi en mundu að byrja rólega. Þegar líkaminn hefur vanist þjálfuninni má æfa 6 sinnum í viku og smáauka erfiðið. Það er ekki sniðugt að nota megrunarefni sem gera fæðið næringarefnafátækara eða svipta móður mikilvægum efnum. Það er auðvitað í lagi að taka inn Nupo létt en það er þá bara ofan á allt annað fæði sem þú borðar.  Þetta á eftir að ganga flott.

Kveðja,

Katrín Edda Magnúsdóttir,
ljósmóðir og brjóstagjafaráðgjafi,
29. júlí 2005.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.