Spurt og svarað

22. mars 2005

Blæðing á 6. viku (eftir fæðingu)

Sæl og takk fyrir góðan vef.

Ég átti eina dúllu fyrir um 6 vikum síðan og úthreinsun hjá mér kláraðist á milli 3. - 4. viku og hefur ekkert verið síðan. Nú um 6 vikur frá fæðingu fór allt í einu að blæða smá, mjög tæru blóði en ekki þó mikið er þetta eðlilegt???? Ef verið að fara tvisvar sinnum í bað í vikunni og einu sinni í heitan pott heima getur þetta eitthvað tengst því????

Kveðja, L.

..................................

Sæl L.

Til hamingju með dótturina. Það er mjög líklegt að þetta sé restin af hreinsuninni hjá þér. Oftar en ekki blæðir fyrst í um 4 vikur og svo smá pása og svo blæðir aftur í nokkra daga. Þetta er því að öllum líkindum restin af úthreinsuninni.

Svo framarlega sem blæðingin er ekki óeðlilega mikil, illa lyktandi og með verkjum þá hef ég ekki trú á að þetta tengist böðunum.

Gangi þér vel,

Ingibjörg Th. Hreiðarsdóttir
ljósmóðir og hjúkrunarfræðingur
22. mars 2005.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.