Spurt og svarað

22. desember 2005

Blæðing ennþá 6 vikum eftir fæðingu

Ég átti barn fyrir 6 vikum og það blæðir ennþá hjá mér..... er það eðlilegt?  Hvað getur það verið sem orsakar blæðingar svona lengi?

..............................................................................

 Sæl og þakka þér fyrir fyrirspurnina.

Blæðingarnar eiga að minnka fljótlega eftir fæðingu, er rauð í byrjun en lýsist svo þegar dregur úr blæðingunni.  Stundum getur komið smá útferð ca. 4 vikum eftir fæðingu sem getur verið rauðleit eða jafnvel aðeins brúnleit.  Þá er hrúðrið að fara af sárinu sem fylgjan "skildi eftir" í leginu.

Það er ekki eðlilegt ef það er enn fersk blæðing 6 vikum eftir fæðingu.  Það getur verið að legið sé ekki að dragast nógu vel saman eða eitthvað hafi orðið eftir af fylgjunni.  Það er langbest fyrir þig að panta þér tíma hjá kvensjúkdómalækni og láta líta á þig.

Gangi þér vel!

Jólakveðjur,
Guðrún Sigríður Ólafsdóttir
ljósmóðir og hjúkrunarfræðingu
22.desember 2005





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.