Spurt og svarað

23. október 2004

Blæðingar eftir fæðingu

Kæru ljósmæður. Mig langar að forvitnast hvenær líklegt er að ég megi vænta þess að byrja aftur á blæðingum eftir fæðingu. Ég átti barn fyrir 5 mánuðum og er enn með það á brjósti.  Ég er þó farin að gefa graut með á kvöldin og því næturgjafir engar.  Það er svo misjafnt hvað maður heyrir, þ.e. hvenær blæðingarnar eigi að hefjast en mig langar nefnilega að verða ólétt aftur sem fyrst, því bíð ég spennt.  Er annars einhver fyrirboði eggloss sem ég get fylgst með, eða er það bara að vera þolinmóð?
Með bestu kveðjum og takk fyrir þessa góðu síðu!

                            ................................................................

Komdu sæl og til hamingju með barnið.

Svarið við spurningunni þinni birtist hér á síðunni undir fyrirspurninni "blæðingar eftir barnsburð"  Þar fjallar Ingibjörg Hreiðarsdóttir um hitamælingar og egglosmæla.

Brjóstagjöf hefur áhrif á það hvenær konur byrja á blæðingum og venjulega er það seinna en þær konur sem ekki hafa barn á brjósti.  En kíktu á svarið hennar Ingibjargar.

Gangi þér vel.

Rannveig B. Ragnarsdóttir, hjúkrunarfræðingur og ljósmóðir. 23.10.2004





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.