Spurt og svarað

09. desember 2008

Blæðingar eftir fæðingu

Sælar!

Barnið mitt fæddist fyrir 9 vikum og úthreinsunin kláraðist bara á 3 vikum, ég er mjög heppin með það! En núna og aðeins í síðustu viku hefur verið að koma svona frekar slímlegt blóð sem er samt alveg ferskt og engin lykt eða neitt en kemur svona annað slagið eins og blæðingar séu að byrja en er bara í smá stund. Ég er líka með barnið eingöngu á brjósti. Er þetta bara eðlilegt eða á ég að láta kíkja á mig?

Með fyrirfram þökk.

 

 

Sæl!

Samkvæmt rannsóknum byrja konur venjulega að hafa blæðingar einum til þremur mánuðum eftir fæðingu. Þannig að það er vel líklegt að þú sért einfaldlega að byrja á blæðingum eftir fæðinguna. Blæðingar fyrst eftir fæðingu geta verið ólíkar hefðbundnum blæðingum og jafnvel óreglulegar sérstaklega þegar konur eru með barn á brjósti.

Gangi þér vel.

Kveðja,

Ingibjörg Th. Hreiðarsdóttir,
ljósmóðir og hjúkrunarfræðingur,
9. desember 2008.






Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.