Spurt og svarað

25. mars 2008

Blæðingastopp

Góðan dag og takk fyrir góðan vef!
Ég veit að þið eruð búnar að svara ótal spurningum um þetta efni en ég finn samt ekki það sem ég er að leita að. Málið er að ég er ekki byrjuð á blæðingum ennþá og guttinn minn er að verða 14 mánaða. Hann er ennþá á brjósti en ekki mikið og ég hef verið að taka brjóstapilluna. Getur verið að þetta sé að stoppa blæðingarnar eða er þetta eitthvað til að hafa áhyggjur af?

Kveðja, ein áhyggjufull.



Komdu sæl

Nei þetta er ekkert til að hafa áhyggjur af.  Cerazette brjóstapillan hefur þessar aukaverkanir að fyrst geta blæðingar orðið óreglulegar og svo geta þær jafnvel stoppað alveg.  Vissulega geta komið milliblæðingar af og til sérstaklega ef þú gleymir pillu eða tekur hana ekki á réttum tíma en annars er eðlilegt að hafa ekki blæðingar á meðan þú ert á þessari pillu.

Kveðja

Rannveig B. Ragnarsdóttir,
ljósmóðir og hjúkrunarfræðingur.
25. mars 2008.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.