Spurt og svarað

04. júní 2009

Bólgin að neðan

Sælar ljósmæður og takk fyrir frábæran vef.

Ég ákvað að prófa að leita til ykkar þar sem ég er ekkert voðalega spennt fyrir að fara í "klobbaskoðun" að ástæðulausu.  Nú er komið ár síðan ég átti barnið mitt og ég er ennþá bólgin að neðan.  Barmarnir eru ekkert sérstaklega bólgnir en í kringum opið og þar inni er bólga.  Ég fékk meðgöngueitrun og mikinn bjúg og finnst þetta vera alveg eins og bjúgur.  Er það eðlilegt að vera ennþá með bjúg?  Hvernig get ég losnað við þetta?


Komdu sæl.

Ég held þú komist ekki hjá því að fara til læknis ef þú ert enn með bjúg að neðan.  En ertu viss um að þetta sé bjúgur?  Geta þetta verið breytingar sem verða við fæðinguna, leggöngin eru ekki eins stinn eftir sem áður (nema þú hafir verið rosa dugleg að gera grindarbotnsæfingar) eða getur verið að þú sért aðeins "feitari" en þú varst og það sé skýringin? 

Kveðja

Rannveig B. Ragnarsdóttir,
ljósmóðir og hjúkrunarfræðingur.
4. júní 2009.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.