Spurt og svarað

04. mars 2015

Brasilískt vax

Sælar. Ég á einn fimm vikna snáða og er að velta fyrir mér hvenær mér er óhætt að fara í brasilískt vax aftur. Ég var klippt nokkuð vel í fæðingunni og er þar af leiðandi með sauma. Ég geri ráð fyrir að þurfa að bíða þar til saumarnir eru farnir en mælið þið með því að bíða enn lengur? Takk fyrir frábæran vef - hann hefur nýst mér vel. Bestu kveðjur.

 
 
Sæl og blessuð, það eru skiptar skoðanir á því hvenær sé tímabært að fara í brasilískt. Yfirleitt er sárið nokkuð vel gróið við fjórar vikur svo að ef að þú ert ekki með nein eymsli og finnst þú vera tilbúin er ekki neitt sem mælir á móti því. Flestar konur virðast samt bíða fram yfir sex vikur. Það er með þetta eins og svo margt annað það er best að hlusta á eigin líkama og fara eftir því hvað hann segir þér.

Bestu kveðjur
Áslaug V.
ljósmóðir og hjúkrunarfræðingur
4.mars 2015




Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.