Spurt og svarað

15. ágúst 2007

Er hægt að fá að vera á meðgöngudeildinni vegna þunglyndis?

Ég er búin að þjást af miklu þunglyndi og kvíða alla meðgönguna. Ég hef verið þunglynd í mörg ár en þetta er verra núna á meðgöngunni. Ég hef ekki getað hætt á þunglyndislyfjunum og líður oft alveg óbærilega, er mjög einmana, grátgjörn og vansæl. Nú er einn mánuður eftir af þessu hjá mér. Mér líður ekki vel heima, en nú þarf ég að þrauka þessar fjórar vikur í viðbót. Ég var að heyra um meðgöngudeild á Landspítalanum. Er hægt að fá að vera á meðgöngudeildinni vegna þunglyndis? Eða er þetta einungis fyrir konur með líkamlega kvilla tengda meðgöngunni? Ég ætti ekki í vandræðum með að fá vottorð hjá geðlækni eða ljósmóður, mig bara langar alls ekki að vera lögð inn á geðdeild vegna meðgönguþunglyndis.


Sæl mín kæra og takk fyrir fyrirspurnina!

Talaðu við ljósmóðurina þína og athugaðu hvort hún tali ekki við lækna meðgöngudeildarinnar varðandi hvíldarinnlögn. Það er ekkert að því. Það getur oft hjálpað til að fara í annað umhverfi. Mæli með því að þú gerir þetta sem fyrst.

Gangi þér vel.

Með bestu kveðju,

Sigrún E.Valdimarsdóttir,
ljósmóðir og hjúkrunarfræðingur,
15. ágúst 2007.





Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.