Spurt og svarað

09. janúar 2006

Eftirskoðun eftir fæðingu

Sælar!!

Ég átti barn fyrir mánuði síðan og var að spá, eftir hve langan tíma er ráðlagt að fara í eftirskoðun til kvensjúkdómlæknis??  Ég fór sko eftir að ég átti eldra barnið en man bara ekki hve löngu eftir fæðingu það var...
 
.................................................................
 
Komdu sæl og til hamingju með barnið.
 
Ef þú þarft að fara í skoðun þá er ágætt að láta líða a.m.k. sex vikur frá fæðingu.  Það er samt mjög misjafnt hvort konur þurfa að fara í svona skoðun og fer allt eftir því hvernig fæðingin hefur gengið og hvort og hversu mikið þurfti að sauma.  Það er líka ágætt að nota þessa heimsókn til læknisins til að huga að getnaðarvörnum ef frekari barneignir eru ekki á dagskrá.
 
Gangi þér vel.
 
Rannveig B. Ragnarsdóttir,
hjúkrunarfræðingur og ljósmóðir.
09.01.2006.




Senda fyrirspurn
Allir reitir verða að vera fylltir útSenda
Fyrirspurnin þín hefur verið send.
Fannstu ekki svar?

Einnig viljum við benda á bæklingaröð Ljósmæðrafélags Íslands og greinarnar "Ljósmóðirin skrifar um", þar er að finna svör við mörgum af algengustu fyrirspurnunum.

Ljósmóðir mun leitast við að svara fyrirspurnum sem fyrst en athugið að það geta liðið allt að tvær vikur frá því að fyrirspurn er send inn og þar til svar er birt hér á vefnum. Svör við fyrirspurnum eru aðeins ætluð til fræðslu og upplýsingar en eiga á engan hátt að koma í stað faglegrar aðstoðar ljósmæðra, lækna eða annars fagfólks.

Því miður getum við ekki svarað öllum fyrirspurnum sem berast en leitumst fyrst og fremst við að svara fyrirspurnum um efni sem ekki hefur verið spurt um áður. Svör við fyrirspurnum birtast hér á síðunni ásamt fyrirspurninni sjálfri.